Ráhkis guossit, sámediggepresideanta, sátnejođiheaddji ja buohkat geat leat dás.
Stuorra iluin ja rámiin mii čoahkkanit odne ávvudit Romssa Sámi Viesu almmolaš rahpama. 37 jagi nieguid, digaštallamiid ja plánema maŋŋá mii viimmat leat duohtan dahkan dán dehálaš deaivvadansaji sámi kultuvrii ja searvevuhtii. Dát lea viimmat šaddan duohtavuohtan.
Dasgo maid mearkkaša viessu/deaivvadanbáiki olbmuide?
Viesus leat eanet go dušše seainnit ja dáhkki.
Lea báiki gos olbmot čoahkkanit, juogadit historjjáid, čatnet oktavuođaid ja ráhkadit muittuid.
Viessu ii leat dušše fysalaš latnja, muhto lea maiddái sámi kultuvrra, gelbbolašvuođa ja fámu govastahkan. Lea rámisvuođa, identitehta ja gullevašvuođa symbola.
Viimmat mis lea báiki gos mii sáhttit čoahkkanit, juogadit historjjáid, ja seailluhit árbevieruideamet. Sámi viessu addá midjiide vejolašvuođa nannet oktavuođa ja hukset šalddiid buolvvaid ja álbmogiid gaskka.
Romssa Sámi Viessu ovddasta aiddo dán - báikki gosa mii beassat deaivvadit, beroškeahttá agis, duogážis dahje gielas, ja suokkardit ja ávvudit sámi kulturárbbi. Dat lea soabahanbargu geavadis.
Dán viesus lea sadji iešguđetlágan doaimmaide.
Mii illudit konsearttaide, luđiide, dáiddačájáhusaide, logaldallamiidda, giellakurssaide ja ollu eará.
Mii illudit Romssa Sámi Viesu ásaheapmái ealli kultuvrralaš lonohallama ja oahppama guovddážin, gos mii sáhttit dutkat ja seailluhit iežamet árbevieruid.
Sáhttá šaddat čoahkkananbáikin ja gelbbolašvuođaguovddážin sihke sámi ja dáčča ássiide, ja maiddái sis- ja olgoriikka gussiide.
Ráhkis buohkat,
Sámi álbmogii lea dát ođđa olahus.
Mii leat máŋggas geat leat vuordán mielas dan beaivái go Romssa sámi álbmot beassá dán vissui, maid leat guhká vuorddašan.
Romssa fylkkasuohkan lea rámis go lea leamašan mielde Romssa Sámi Viesu ásahanproseassas.
Ruđalaš doarjagiin, ovttasbargguin ja áŋgiruššamiin leat mii leamaš mielde duohtandahkamin dán niegu.
Giitu Romssa suohkanii, Romssa ja Finnmárkku fylkkagieldda ja Sámediggái ovttasbarggu ja áŋgiruššama ovddas dán prošeavtta ollašuhttimis.
Giitu buohkaide geat leat bargan hui áŋgirit vai dát šattašii vejolažžan.
Romssa Sámi Viessu šaddá dehálaš resursan olles guvlui, ja mii illudit oaidnit ahte dat ahtanuššá ja stuorru boahttevaš jagiid.
Sávvat buohkaide ollu lihkku beivviin!