Fylkkasátnejođiheaddji Kristina Torbergsen oassálasttii vuosttaščájálmasas. Son lei hirpmástuvvan movt davimus teáhterat ledje čoavdán fylkkasuohkana barggu. Hanne Lille/Troms fylkeskommune

– Lei áibbas hirpmástuhtti, dajai fylkkasátnejođiheaddji Kristina Torbergsen maŋŋel go gaskavahku lei vuosttaščájálmas skuvlašiljus Kongsbakkenis.

Historjjálaš ovttasbargu

Fylkkadiggi mearridii juovlamánu 2023 juolludit ruđaid teáhterčájálmassii mii galggai gieđahallat Duohtavuođa- ja seanadankommišuvnna raportta sámiid, kvenaid, norggasuopmelaččaid ja vuovdesuopmelaččaid dáruiduhttimis.

Bargu addojuvvui Kvena teáhterii, Sámi Našunálateáhterii - Beaivvážii ja Hålogalándda teáhterii.

Čájálmas F*uck F*uck F*uck gullá historjái vuosttaš ovttasbargobihtá min golmma davimus teáhtera gaskkas.

Mun háliidan giitit Kvena teáhtera, Beaivváža ja Hålogalándda teáhtera go nu erenoamáš vuogi mielde leat gieđahallan min diŋgojumi. Sii duođai válde hástalusa dakkaviđe, rábmo fylkkasátnejođiheaddji Torbergsen. 

Stuorra publikum

Teáhterbihttá F*uck F*uck lea oassi Kultuvrralaš skuvlalávkkas, ja čakčat galgá čájálmas galledit buot Romssa fylkka joatkkaskuvllaid.

Oahppan oahpaheaddjin lea fylkkasátnejođiheaddji Kristina Torbergsen ilus go joatkkaskuvlla oahppit besset vásihit dán čájálmasa, ja dan son dajai hui čielgasit iežas sártnis maŋŋá vuosttaščájálmasa.

– Ieš lean leamaš máŋggain KS-čájáhusain iežan eallimis. Lean leamaš oahpaheaddjin vihtta jagi, ja golahan iežan lášmmohallansálaid. Dá lea buoremus čájálmas maid goassige lean oaidnán, mii lea čájehuvvon ohppiide.