Sáčča joatkkaskuvllas lea guhkes árbevierru oahpahit nuoraid luonddudoalus. Sin ossodat Gibostadas vuođđuduvvui álggos Romssa Amts Landbruksskole (Romssa Amts Eanandoalloskuvla) ruovttoluotta 1914.
Sáččá joatkkaskuvla
Juolludeapmi lea ealáhus-, dálkkádat- ja birasváldolávdegoddi dahkan.
Guovddáš lea ovttasbargu Sáččá joatkkaskuvllain, Deanu joatkkaskuvllain, Suorttá joatkkaskuvllain ja Mussere joatkkaskuvllain. Prošeaktaovddasvástádus lea Sáččá joatkkaskuvllas.
– Mii leat hui ilus go guovddáža sáhttá ollašuhttit doarjaga duogážiin. Dál mii sáhttit joatkit bargat ođđa prošeavttaiguin guovddážis, dadjá Merete Sabbasen Helander, ođđa guovddáža jođiheaddji..
Álggaha čakčat
Guovddáš álggaha čakčat Fágaskuvlafálaldagain Roavvafuođarvuđot šibitbuvttadeapmi duottarbuvttadeapmái.
Lagabui 40 studeantta ožžot oahpposaji, oahppu čađahuvvo oktanaga dan 4 skuvlabáikkis Davvi-Norggas.
Maiddái ekonomiijafálaldat eanadolliide lea juoga mainna guovddáš bargá oažžut johtui čakčii.
Dahká eanandoalu geasuheaddjin
Árktalaš luonddugeavahanguovddáš galgá leat mielde dahkamin eanadoalu geasuheaddjin sihke ásahuvvon ja erenoamážit nuorra, ođđa oasálaččaide.
Ollislaš gelbbolašvuođaovddideapmi eanadoallo- ja luondduealáhusa siskkobealde lea dehálaš Davvi-Norgii, ovttasbargu nanne luonddu ja borramušbuvttademiid ovdánanvejolašvuođaid riikkaoasis.
Guovddáš galgá doaibmat mohtorin árktalaš luonddugeavaheami gelbbolašvuođa ovddideapmái boahtteáiggis. Guovddážis galgá maiddái leat ovdánahttinarena árktalaš luonddugeavaheami dutkamii ja ovddideapmái ovttas eará gelbbolašvuođabirrasiiguin, leat dehálaš veahkkin gelbbolašvuođa loktemis luonddugeavaheamis.
Árktalaš luonddugeavahanguovddáš galgá maiddái leat luonddudoalu energiija ja birrasa gelbbolašvuođaguovddáš.
Guovddáš galgá dasto ávkkástallat ásahuvvon gelbbolašvuođabirrasiiguin riikkaoasi eanandoalu siskkobealde, ja nu váikkuhit oktasaš oktiiordnema davvinorgalaš fylkkaid árktalaš luonddugeavaheami ovddideamis, ja doaibmat reaidun "ceavzilis árvoháhkama ja biebmobuvttadeami davvin" čuovvoleamis.