Doaibmaavádat siskkilda buot Finnmárkku gielddaid (ja maid čieža Davvi-Romssa suohkana (Gáivuona, Skiervvá, Ráissa, Návuona, Gálssá, Ivgu ja Omasvuona).

Ássančujuhus ja bargosadji doaibmaavádagas máksá eanet ekonomalaš ovdduid: 

• Bargoaddidivadis luvven
• Oahppoloana njeaidin gitta 10 proseantta rádjai álgoálgosaš loatnavuđđosis, ráddjejuvvon bajás 25 000 kruvnnu rádjai jagis.
  • Don sáhtát oažžut sihkkojuvvot 10 proseantta iežat oahppoloanas, eanemustá 25 000 kruvnnu jagis. Don fertet ássat doaibmaavádagas oktalaččat 12 mánu juos galggat oažžut njeidojuvvot iežat vealggi. Loga eanet oahppoloana sihkkumis Loatnakássa neahttasiidduin
• Máhttádan vuođđoskuvlaoahpaheaddjit, geat barget Finnmárkkus ja Davvi-Romssas, ožžot oahppoloana vealggi luitojuvvot.   Vuođđoskuvlaoahpaheaddjit sáhttet oažžut sihkkojuvvot velá 20 000 kruvnnu. Don gávnnat eanet dieđuid oahpaheddjiid oahppoloana luoitimis Loatnakássa neahttasiidduin.
• Rávnnji golahus lea luvvejuvvon el-divadis 
• Elektrihkalaš fápmu, mii lágiduvvo báikedoaluide ja almmolaš hálddahussii mat leat doaibmaavádagas, lea luvvejuvvon el-divadis. Doaibmaavádaga buot ealáhusdoaimmaide lea uhciduvvon divat elfámus mii lágiduvvo. Ii leat lassiárvodivatge rávnnjis mii dán guovllus lágiduvvo.
• Persovdnavearuhus lea vuoliduvvon 
  • Vásedin vearronjuolggadusat gustojit Finnmárkku ja Davvi-Romssa vearrogessiid dábálaš dinestussii. Dat lea vuollelis go riikkas muđui. Addojuvvo maiddái 20 000 kruvnnu vearrogeasus dábálaš dinestusas.