Gii sáhttá ohcat?
Juos dus lea nuoraidvuoigatvuohta, de sáhtát ohcat oahpaheami njuolga eará fylkkas guosseoahppin, almmá rievdatkeahttá iežat álbmotregistrerejuvvon čujuhusa. Fylka gosa ozat galgá váldit du sisa fálaldahkii masa leat ohcan, juos lea rabas kapasiteahtta. Juos ii leat rabas kapasiteahtta, de hilgojuvvo du ohcamuš.
Juos ozat guosseoahppin Romsii ja Finnmárkui, de vuoruhuvvot don ohcciid maŋábeallai geat ásset fylkkas. Juos mis lea rabas kapasiteahtta, de sáhttá dutnje liikká fállojuvvot skuvlasadji.
Lea deaŧalaš ahte sáddet ohcamuša iežat ruovttufylkii, gos leat vuoruhuvvon eará guosseohppiid ovddabeallai, juos háliidat sihkkarastit alccet skuvlasaji.
Don sáhtát ohcat juogo vuoruhuvvon guosseoahppin dahje dábálaš guosseoahppin, geat gilvalit čuoggáid mielde. Vuoruhuvvon guosseoahppit vuoruhuvvojit dábálaš guosseohppiid ovddabeallai.
Geat leat vuoruhuvvon guosseoahppit??
Don sáhtát ohcat vuoruhuvvon guosseoahppin, juos dus lea okta čuovvovaš sujain vázzit skuvlla eará fylkkas:
- Earenoamáš pedagogalaš sujat
- sosiála sujat
- vuoigatvuohta sámegiela oahpaheapmái go lea dárbu oažžut oahpaheami sámegielas dahje earenoamáš sámi fágain dain skuvllain mat fállet dáid
Dát eaktuda ahte sáddet sisa áššáiguoskevaš dokumentašuvnna, mii nanne earenoamáš pedagogalaš sujaid, sosiála sujaid dahje vuoigatvuođa sámegiela oahpaheapmái lágideaddjifylkkas.
Ná ozat:
Don sáddet ohcamuša sisa www.vigo.no bokte ovdal njukčamánu 1. beaivvi nu ahte válljet lágideaddjifylkka eará fylkan.
Juos ozat vuoruhuvvon guosseoahppin, de fertet maiddái sáddet sisa čálalaš ohcamuša oktan áššáiguoskevaš dokumentašuvnnain lágideaddjifylkii. Dokumentašuvdna galgá nannet ahte leat earenoamáš pedagogalaš dahje sosiála sujat manne seađát vázzit skuvlla eará fylkkas.
Dáppe gávnnat ohcanskovi mainna ozat beassat vuoruhuvvon guosseoahppin Romsii
Geaidnu viidáseappot
Don oaččut vástádusa iežat ohcamuššii beassat vuoruhuvvon guosseoahppin Romsii ja Finnmárkui miessemánu ollodahkii. Juos du ohcamuššii mieđihuvvo, de gilvalat skuvlasaji alde nugo earáge ohccit geain lea nuoraidvuoigatvuohta fylkkas.
Sisaváldinkaleanddar čájeha goas skuvlasaji fálaldat lea almmus VIGO bokte
Juos du ohcamuššii ii mieđihuvvo, de gilvalat dábálaš guosseoahppin.