Nu go eará alit oahpuin lea dus vejolaš válljet oahppu olles riikka fágaskuvllain.

Go ozat nationála fágaskuvlaohppui nationála sisaváldimii, ozat www.samordnaopptak.no bokte.

Oahppofálaldagat almmuhuvvojit guovvamánu 1.b. 2022 lea ohcan áigi cuoŋománu 20. (Dábálaččat lea ohcanáigi cuoŋománu 15.)

Muhtin oahpput eai leat Samordna opptak:s. Geahča skuvllaid neahttasiidduid dahje válde oktavuođa njuolgga eaŋkil fágaskuvllain eanet dieđuid dihte.

Eaŋkil fágaskuvlafálaldagat leat sierra sisabeassangáibádusat. Muhtin fálaldagain sáhttá leat vejolaš báikkálaš sisabeassan gitta lohkanbadjeálggaheapmái. Geahča eaŋkil fágaskuvlla neahttabáikki.

Muhtin oahpput leat nuvttá ja muhtin lea oahppomáksu. Dat boahtá ovdán eaŋkil fágaskuvllain neahttasiidduin. Sisaváldin fágaskuvlii addá vuoigatvuođa oahppolotnii ja stipendii Statens lånekasse for utdanning/Oahpa Stáhta loatnakássas.

Sihke almmolaš ja priváhta fágaskuvla fállit sáhttet ohcat jođihandoarjaga fylkkagielddas. Jođihandoarjja galgá váikkuhit gokčat servvodaga gelbbolašvuođadárbbu, ja arvvosmahttit buori kvalitehta ja alit fidnofágalaš oahppu čađaheapmái.

Fylkkagielda hálddaša ruhtadoarjjaortnega Direktoráhtta alit oahpu internationaliserema ja kvaliteahttagárgedusa ovddas.

Loga dás eanet Romssa fylkasuohkan ruhtadoarjjaortnega birra ja mo ozat (darogilli)

Eanet alit fidnofágalaš oahppu birra

• Alit fidnofágalaš oahppu (fágaskuvla) bajit dássi go joatkka oahppu. Fágaskuvlaoahppu addá gelbbolašvuođa maid sáhttá geavahit čoavdit bargodoaimmaid bargoeallimis lasi oahpahusdoaibmabiju haga.
• Oahppu lea ollislaš molssueaktu allaskuvla- ja universitehtaohppui. Oahppu lea huksejuvvon juogo fidnofágalaš oahppoprográmmii fága- dahje sváinnasreivviin, dahje guhkes relevánta bargohárjánemiin fágareive hága. Muhtin oahppu lea vejolaš hukset lohkanráhkkanahttin oahppoprográmmii.
• Eanaš oahpput leat jagi dahje guokte jagi. Sáhttet leat heivehuvvon neahtta bokte ja/dahje oasseáiggefálaldahkan vai lea vejolaš čađahit oahppu dan botta gos studeanta lea barggus. Muhtin oahpput leat ollesáigge dihto báikkis.
• Alit fidnofágalaš oahppu spiehkasta eará alit oahppu ektui muhtin áššiin. Ii leat gáibádus ahte oahpahus galgá leat dutkanvuođđu. Baicce leat dehálaš gáibádus ahte oahpahus sisdoallu lea relevánta ovttaskas fidnui. Fálaldagas galgá leat njuolgga čanastus bargo- ja ealáhuseallima dárbbuide. Fágaskuvlaoahpahus galgá addit gelbbolašvuođa maid sáhttá geavahit čoavdit bargodoaimmaide bargoeallimis lasi oahpahusdoaibmabiju haga.
• Láhka alit fidnofágalaš oahppu (fágaskuvlaláhka) (darogilli) mielde de lea fylkkagielddas ovddasvástádus fágaskuvlaohppui, §3. Fylkkagielda galgá bearráigeahččat ahte fállu akkrediterejuvvon fágaskuvlaoahpahus mas lea ovttavásttolaš báikkálaš, regionálalaččat ja nationálalaččat dárbbuide.

Loga eanet alit fidnofágalaš oahppu birra dáppe, utdanning.no (darogilli)