Luvven dárogiela oalgegiela čálalaš eksámenis

Luvven árvvoštallamis árvosániin čálalaš oalgegielas, mearkkaša privatisttaide ahte sii eai dárbbaš čađahit eksámena fágas. Dát ii mearkkaš ahte sii eai dárbbaš beroštit oalgegielas. Oalgegiellateavsttat sáhttet leat oassin bargobihtás sihke váldogiela eksámenis ja njálmmálaš eksámenis.

Jus leat ovdal (joatkkaskuvla oahpahusas) ožžon luvvema čálalaš oalgegielas, it dárbbaš ohcat ođđasit. Muhto jus dárbbašat gelbbolašvuođaduođaštusa mas dárogielfága lea, de fertet midjiide duođaštit ahte leat ožžon luvvema, vai boahtá ovdán gelbbolašvuođaduođaštusas.

Luvven lášmmohallan eksámenis

Rektor sáhttá ohcamuššan luvvet privatisttaid lášmmohallan eksámenis. Privatista ferte ovdanbuktit duođaštusa doaktáris guhte duođašta ahte eksámen vahágahttá privatistta ja ahte láhčin ii leat vejolaš, vrd. § 3-20. Rektora mearrádus lea eaŋkilmearrádus.

Loga § 3-20 oahpahuslága láhkaásahusa

Ohcamuša áigemearri

Luvven ohcamušas lea seamma áigemearri go dieđiheamis. Jus ozat luvvema maŋŋel áigemeari, meannudat ohcamuša jus mis lea áigi.

Geasa galgá ohcamuš?

§ 3-19 oahpahuslága láhkaásahusa mearrádusa mielde, galgá ohcamuša sáddejuvvot dokko gos čálihit dahje lea čálihan oahpahusduođaštusa. Dat lea ges muddejuvvon § 3-39 seamma láhkaásahusas.

Loga § 3-19 oahpahuslága láhkaásahusa

Loga § 3-39 oahpahuslága láhkaásahusa

Jus duođaštusa (oahpahusduođaštusa ja gelbbolašvuođaduođaštus) áiggut čálihit eará skuvllain go fylkka privatistaskuvllain (ovdamearka dihte du ovdeš joatkkaskuvla), de ohcamuša sáddet dokko ja it ge eksámenskuvlii.

Ohcamuššii fertet bidjat mielddusin duođaštusa ahte don deavddát luvvema gáibádusaid.

Árvvoštallan amasgielas luvven

Oahppit geat devdet gáibádusaid dárogiel oalgegielas, sáhttet árvvoštallamis, sáhttet almmuhuvvon eavttuin maiddái oažžut luvvema amasgiella oktasašfágan (2.amasgiella). Muhto dát boahtá ovdán Máhttodepartemeantta bagadusas ahte dát ii gusto privatisttaide.

Loga eanet amasgiela luvvema birra regeringen.no:s