Muhtin cavgileamit Oahpahusdirektoráhtas
Ná ráhkkanat ovddalgihtii čálalaš eksámenii
Viečča video vai beasat geahččat (MP4, 42 MB)
Eksámen njuolggadusat
Njuolggadusat gustojit Romssa ja Finnmárkku fylkkagielddas, ja maiddái Svalbárddas. Leat ođasmáhttojuvvon ođđa oahppoplánaid ektui maid geavahišgođiimet čakčat 2020. Dokumeantta gusto sihke oahppiide ja privatisttaide.
Njuolggadusain čilgejit mo eksámen čađahuvvo praktihkalaččat.
Loga eksámena njuolggadusaid dás. (Fuomáš! Dušše dárogillii)
Spiehkastagat: Lášmmohallamis ja eanaš valáštallanfágain spiehkastit dás. Geahča eksámenbagadusa dás vuolábeale.
Gažaldagat njuolggadusaid ektui váldát oktavuođa eksámenskuvllain dahje eksámenkantuvrrain.
Gažaldagaid sáddet Oahpahus oarji (Romssa eksámenkantuvra) jus leat čađaheamen eksámena ovddeš Romssa fylkkasuohkanin, dahje Oahpahus nuorta Čáhcesuolu eksámenkantuvra) jus leat čađaheamen eksámena ovddeš Finnmárkku fylkkagielddas.
Sádde e-poastta Oahpahus oarji
Sádde e-poastta Oahpahus nuorta
Oahpponeavvut
Privatistan ferten ieš válljet oahpponeavvuid maid áiggut geavahit. Muhtin digitála oahpponeavvut leat vejolaš geavahit nuvttá dáid neahttasiidduin Nationála digitála oahppoarenas.
Ráhkkananbeaivi čálalaš eksámenii
Muhtin fágain main lea čálalaš eksámen lea ráhkkananbeaivi beaivvi ovdal eksámena (vahkkoloahppa ja bassebeaivvit eai lohkkojuvvo). Oahpahusdirektoráhta álmmuha ráhkkaneami ávdnasiid diibmu 09:00 beaivvi ovdal eksámena.
Molssaevttolaččat sáhtát seamma áiggis viežžat bábirhámis eksámenskuvllas. Dát ii gusto fágaide main lea ođđa oahppoplána mii ii deaddiluvvo ja maid ferte viežžat dihtorii.
Viečča eksámen ráhkkanan ávdnasiid dás
Čálalaš eksámen fágain main lea ođđa oahppoplána
Čálalaš eksámen fágain main lea ođđa oahppoplána (ML20) ii sáhte addit sisa bábirhámis.
Geahča dieđuid čálalaš eksámen veahkkeneavvuid birra dás
Muhtin amasgiela dieđut ja ovdamearkabargobihtát. Beassansátni ovdamearkabargobihtáide oaččut fylkkagieldda eksámenskuvllas dahje eksámenkantuvrras.
Loga maiddái dán, ja gáibádusat rusttegiidda, Oahpahusdirektoráhta neahttasiidduin.
Ovddeš čálalaš guovddáš eksámenbargobihtát
Ovddeš čálalaš guovddáš eksámenbargobihtát gávnnat Oahppodirektoráhta neahttasiidduin. Bargobihtáin maid lea heaŋgalohkka leat suodjaluvvon ávdnasat main lea dahkkivuoigatvuohta, beassansátnesuodján. Váldde oktavuođa eksámenskuvllain dahje oahpahusetáhtain. Jus smiehtadat mo du guovddáš addon eksámenloahppageahččaleapmi árvvoštallo, de sáhtát lohkan eanet dan birra seamma neahttasiidduin.
Njálmmálaš, njálmmálašpraktihkalaš ja praktihkalaš eksámenbargobihtát eai almmuhuvvo.
ML06 fágaid rámmavuogádat loahpahuvvo. Eat ráhkat šat ML06 fágaide rámmavuogádaga. Dieđut eksámena birra leat čilgejuvvon dás Eksámen njuolggadusat.
Čiekŋudanfáddá ja válljen fáttát njálmmálaš eksámenii
Muhtin njálmmálaš fágain lea dárbu sáddet sisa čiekŋudanfáttá dahje fága siskkobealde válljet fáttaid. Boahtá ovdán oahppoplánas ovttaskas fágain jus galgat válljet oahpahusmeari.
Ovdamearka dasa lea REL1001 Religiovdna ja etihka mas kandidáhta ferte almmuhit válljejuvvon religiovnna, guokte válljejuvvon konfešuvnna ja golbma válljejuvvon filosofa.
Eará ovdamearka lea REA3008 Geofága 1, mas oahppi galgá čállit čiekŋudanbarggu váldoguovllus Geodutkamis. Barggu galgá addit sensorii eksámenbeaivvi, muhto čoahkkáigeasu galgá sáddet eksámenskuvlii ovdal áigemeari.
Ovddeš rámmavuogádat sisttisdoallá dáid dieđuid. Mii leat váldán eret dáid min neahttasiidduin dan dihte go lea ipmirduvvon leat láhkaásahus láhkavuođuin oahppoplánaide ja láhkaásahus oahpahusláhkii. Laboratoriahárjehus listu lea ovdamearka, doaibmá dego gáržžádus oahppoplánain. Fylkkagielddas ii leat vejolašvuohta rievdadit oahppoplánamihttuid dán láhkai.
Áiggemearri sáddet sisa čiekŋudanfáttáid dahje sullasaččat
Fágain mas galgá sáddet sisa čiekŋudanfáttáid dahje sullasaččat lea áigemearri sáddet sisa golggotmánu 15.b. čakčalohkanbajis ja cuoŋománu 1.b. giđđalohkanbajis. Listtut mat sáddejuvvojit maŋŋel áigemeari, geahčat jus leš doaibmannákca dasa.
Valáštallanfágaide mas galgá sáddet sierravaláštallamiid dahje doaimmaid leat eará áigemearit: Golggotmánu 1.b. čakčalohkanbajis (ođđa čakčat 2019) ja guovvamánu 15.b. giđđalohkanbajis (Ođđa giđđat 2019).
Geahča valáštallanfágaide eksámenbagadusa
Gosa sáddet listu?
Listu sáddet eksámenskuvlii
Mii oidit ahte geavahat e-poastta ja ahte listu lea mielddusin PDF- dahje Word- gulahallan fiilahámis. Geavat fiila nammadeami čuovvovaš hámi mielde: fágakoda + iežat namma ovdamearka dihte “REL1001_Jovnna Sápmelaš.pdf”.