Eksámenii dieđihit

Privatistaeksámenii dieđihat Privatistportalena bokte, mii lea rábas dáid áigodagaid:

• 15.1. - 1.2. dii. 23:55 (giđđaeksámen) 
• 1.9. - 15.9. dii. 23:55 (čakčaeksámen).

Gallet Privatistportalena dás

Dieđiheapmi maŋŋel áigemeari ii dohkkejuvvo.

Dieđiheami eavttut

Go dieđihat eksámenii, fertet dohkkehit eavttuid

Máksin

Eksámenbálvalusmáksu (juohke eksámen) 2022 lea stáhtabušeahtas mearriduvvon:

• Ođđa fága: 1 217 ruvnno
• Árvosátnebuorideapmi: 2 435 ruvnno

Jus áiggut čađahit privatistaeksámena ovtta fágas mii gáibida máŋga eksámena, fertet máksit eksámendivada juohke eksámenii, ovdamearka dihte njálmmálaš ja čálalaš. Mávssát eksámendivada Privatistportalenis go dieđihat iežat eksámenii.

Loga stáhtabušeahta eksámenbálvalusmávssu birra

Máksináigemearri

Máksináiggemearri lea dan seamma go dieđihanáigemearri. Geavat Visa dahje Mastercard. Sisamákson eksámendivada eat mávsse ruovttoluotta dábálaččat.

Dieđiheapmi mii ii leat mákson, ii leat dohkálaš.

Guite

Don sáhtát ieš čálihit eksámendivvaga guite Privatisportalen:s. Rába ja loga dán PDF-dokumeantta mo don dagat dan. (Lea dušše dárogillii) (PDF, 103 kB)

Privatistta geatnegasvuođat ja vuoigatvuođat

Privatista lea muhtin guhte dieđiha iežas eksámenii beroškeahttá leamašan go oahppi fágas muhtin skuvllas (eksámenvuoigatvuođaiguin) dieđihanáigge. Privatistan it oaččo oppalašárvosáni fágas. Fuomáš ahte eksámenortnet privatisttaide, olu fágain, lea eará láhkai go eksámenortnet ohppiide.

Loga eksámenortnega birra dás (Lea dušše dárogillii)

Privatistan fertet ieš doalahit áiggemeriid ja dovddiidit eksámen njuolggadusčállosiin.

Fuomáš erenomážit dieđihanáigemeari privatistaeksámenii. Diŋgo gelbbolašvuođaduođaštusa buori áiggis ovdal dieđihanáiggemearri alit ohppui dievvá.

Loga gelbbolašvuođaduođaštusa ja oahppoduođaštusa diŋgojumi birra dás.

Fágaid maid sáhtát čađahit privatistan

Loga fága ja fágakodaid birra dán siiddus. (darogilli)

Fágain main lea dušše eksámen čakčalohkanbajis

Njálmmálaš eksámen prográmmafága eŋgelasgielas ja vierisgielain fránskka-, ruošša-, espánnja- ja duiskagielas fállojuvvo eanaš skuvllain sihke čakčat ja giđđat, eará giellafágain lágiduvvojit njálmmálašeksámen dušše čakčalohkanbajis.

Listu amasgielain main lea vejolašvuohta váldit eksámena, gávnnat dáppe (udir.no)

Geassádeapmi

Loga privatistaeksámen geassádeami birra dás (darogilli)

Oahppoplána

Čakčat 2020 ásahuvvui ođđa oahppoplána JS1:ii. Vuosttaš eksámen ođđa oahppoplána mielde lei giđđat 2021. Čakčat 2021 rájes ásahuvvui ođđa oahppoplánat Js2 várás. Vuosttaš eksámen ođđa oahppoplána Js2 mielde lea giđđat 2022. Earet go matematihkka, lea eksámen ođđa oahppoplána mielde ollesdigitála (EPS-eksamen). Eanet dieđuid gávnnat dáppe Oahppodirektoráhta neahttasiidduin.

Eanaš fágain lea sirdásanortnet mii addá vejolašvuođa čađahit eksámena ovddeš oahppanplána mielde gitta golbmii maŋŋel go ođđaplána ásahuvvui. Spiehkastat lea amasgiella main ii addo oahpahus šat. Geahča dieđuid Udir:as.

Oahppogelbbolašvuohta

Leat iešguđet vuogit beassat oppalaš dahje erenomáš oahppogelbbolašvuođa oažžut.

Dieđuid oahppogelbbolašvuođa birra gávnnat Samordna opptak neahttabáikkis ja utdanning.no neahttabáikkis.

Njuolggadusaid alitohppui lea ge Samordna opptak guhte hálddaša. Gažaldagat mat gusket sisaváldimii, čuoggáidrehkenastin ja nu ain, ferte sis jearrat.

Oktavuođadiehtu

Gažaldagat mat gusket oppalaš eksámenii ja mii galgá fylkkagildii, sáddet Oahpahus oarji jus leat čađaheamen eksámena ovddeš Romssa fylkkasuohkanis, ja Oahpahus nuorta jus leat čađaheamen eksámena ovddeš Finnmárkku fylkkagielddas. 

E-postačujus oahpahus oarji lea eksámen-vest@tffk.no

E-postačujus oahpahus nuorta lea saosteksamen@tffk.no

Sensitiiva dieđuid it berre sádde dábálaš e-poastta mielde. Geavat eDialoga.