Dál mii várret sullii 1% huksenbušeahtas čiŋaheapmái. Mii nammadit juohke huksenprošektii čiŋahanjoavkku.
Čiŋahanlávdegottit
Juohke čiŋahanlávdegottis galget leat njeallje lahtu, stáhta almmolaš báikki dáidda fágalašorgána, KORO, njuolggadusaid mielde.
Dan njeallje leat:
- hukseheaddji ovddasteaddji
- geavaheddjiid ovddasteaddji
- arkiteavtta ovddasteaddji
- dáiddalaš konsuleanta
Min Dáidda- ja kulturovdánahttin ossodaga ovddasteaddji lea lávdegotti čálli.
Go huksenhivvodaga ektui várrejuvvo hui unna oasáš čiŋaheapmái, de ii leat ekonomalaččat ulbmillaš ásahit čiŋahanlávdegotti. Mii geavahit baicca Davvi-Norgga dáiddamusea fágagelbbolašvuohta oastimis ovttas fylkka huksenhoavddain, arkiteavttain ja geavaheddjiid ovddasteaddjiin.
Dáiddáriid barggut
Čiŋahanbarggut leat sihke ánssášahtti ja dienas dáiddáriidda. Konsuleanta- ja dáiddárdoaibma sáhttá maiddái movttiidahttit dáiddáriid riikkaoassái orrut- ja ásaiduvvat. Dasa lassin lea ortnet veahkkin demokratiseremin dáiddavásihusaid dan bokte ahte dahká dáidaga olahahttin doppe gos olbmot johtet.
Ráđđeaddin ja gelbbolašvuohta
Davvi-Norgga dáiddárguovddáš (NNKS) fállá ráđđeaddima ja gelbbolašvuođa dáiddaprošeavttaid oktavuođas gieldda ja fylkkagieldda visttiin.
NNKS lea riikkaoasi oktasaš dáiddárguovddáš ja lea oassin Davvi-Norgga kulturšiehtadusas. NNKS lea ráhkadan Dáiddaprošeaktaveahki, mii heive buohkaide geat barget dáidagiin almmolašvuođas.
KORO doarjja
Gielddat ja fylkkagielddat sáhttet ohcat KORO prošeaktadoarjaga Báikkálašservodaga ortnegis (LOK). KORO doarju prošeavttaid main leat alla dáiddafágalaš gudneáŋgirvuođat mat huksejit gelbbolašvuođa mas lea nationála sirdinárvu. Sii fállet maiddái neavvagiid šiehtadusa vuođul.
KORO addá dasa lassin doarjaga gaskkustan- ja gelbbolašvuođaovdánahttindoaimmaide mat váikkuhit eanet máhtolašvuođa ja beroštumi dáidagii almmolašvuođas.
Liŋkkat