Dáppe leat 50 ámmátlaš ovttaskasdáiddára ja eará fágaolbmot geat barget dáidda gullevaš doaimmaiguin nu go govvadáidagiin ja giehtadáidagiin, filmmain, govvemin, musihkain, jienain ja girjjálašvuođain.

Guovddáš maiddái gohčoduvvo Kysten, dahje Tromskysten. Romssa riddobuohcceviessu (Kysten) huksejuvvui 1921. Vistti lea 4000 m2 ja dasa gullet vel guokte olgovistti. Stuorralatnja lea 250 m2 ja ráhkaduvvui laktavistin 1994. Huksehus geavahišgohte 1994 fylkkakulturguovddážin.

Fylkkagielda doarju dáiddáriid bargovejolašvuođain ja bádjesajiin subsidierejuvvon viessoláigiu. Dáiddárat geat geavahit Romssa fylkkakulturguovddáža oassálastet aktiivvalaččat regionála, nationála ja internationála dáiddalávddis, doaimmahit organisašuvdnabarggu, lágidit festiválaid, ráhkadit fálaldagaid mánáide ja nuoraide KS(DKS) bokte ja eará prográmmat, jna.

Guossedáiddabádji lea fálaldat dáiddáriidda geat ásset ja barget olggobeale Romssa, fokus lea dáiddárat geat leat Barentsguovllus ja Sámis eret.

Plána- ja kulturetáhtta, ossodat dáidda- ja kulturovdáneamis lea Romssa fylkkakulturguovddáža hálddašeami ja čuovvoleami ovddasvástádus.