UKM/NKD (Ung Kultur Møtes/Nuoraid kultuvra deaivvada) lea almmolaš kulturdoaibmabidju nuoraide gaskal 13 ja 20 jagi. NKD lágiduvvo juohke jagi miehtá riikka.
NKD lea
- báiki gos nuorat deaivvadit eará nuoraiguin
- báiki gos sii galget neaktit earáid ovddabealde
- báiki gos oahppat movt lágidit konseartta ja dáiddačájáhusa
- báiki gos oahppat kultursuorggi birra áibbas eará láhkai go eará báikkiin
UKM/NKD Norggas lea ovddasvástádus NKD láhčimis ja ovddideamis nationála dásis.
NKD báikkálaš dásis
NKD galgá váikkuhit dasa ahte nuorra kultuvra oažžu stuorát saji báikegottis. Dát dáhpáhuvvá báikkálaš deaivvademiiguin ja eará NKD doaimmaiguin. Dát doaibmabijut sáhttet leat bargobájit, ovttasbargu báikkálaš festiválaiguin, ja eará doalut jagi miehtá.
NKD:s leat juohke jagi báikkálaš deaivvadeamit dahje festiválat buot gielddain. Sáhtát dieđihit iežat jus dus lea juoga maid háliidat čájehit, dahje leat mielde lágideamen dahje dokumenteret. Muhtumat besset maiddái oassálastit fylkkafestiválas ja nationála NKD-festiválas.
Gielddain lea stuorra friddjavuohta ieža hábmet mo NKD galgá leat sin gielddas.
Romssas lágiduvvojit eanas doalut báikkálaččat suohkaniin. Gielddat válljejit geat besset oassálastit fylkkafestiválii báikkálaš deaivvademiid ja festiválaid bokte.
Dieđiheapmi báikkálaš deaivvademiide dáhpáhuvvá UKM Romsa
Deaivvadit earáiguin seammá fylkkas
Maŋŋá go báikkálaš deaivvadeamit leat čađahuvvon, de fylkkat lágidit deaivvadeami gos seammá fylkka nuorat deaivvadit. Juohke fylkkas lea fylkkakonsuleanta geas lea ovddasvástádus čađahit fylkkadeaivvadeami.
Fylkkain sáhttet maiddái leat eará lágideamit NKD oktavuođas jagis. Dat rievddadallá fylkkas fylkii, ja jagis jahkái.
Jahkásaš NKD-festivála
Juohke jagi deaivvadit gaskal 500 ja 600 nuora miehta riikka jahkásaš, nationála NKD-festiválii. Dáppe sii juogadit kulturvásáhusaid, sihke lávdečájálmasaiguin lágideaddjedoaimmaiguin, mediabuvttademiiguin, girjjálašvuođain ja dáidagiiguin.
Loga eambbo NKD ja NKD Romsa birra