Vuođđodoarjja njuolggadusat Romssa sámi servviide
Ulbmil
Vuođđodoarjja sámi servviide galgá láhčit dili vai šaddet ealaskas, eaktodáhtolaš sámi searvvit Romssas. Vuođđodoarjja lea doaibmadoarjja báikkálaš sámi servviide main lea kulturbargu váldodoaibman, vai nákcejit čađahit iežaset doaimmaid Romssas.
Geat sáhttet ohcat?
Ortnet guoská fylkka- dahje riikaviidosaš sámi organisašuvnnaid báikkálaš servviide main leat kultuvra- ja/dahje valáštallandoaimmat doaimmasteaset. Jus báikkálaš searvi lea miellahttu máŋgga sámi organisašuvnnain, de ii atte dat vuoigatvuođa oažžut eambbo go ovtta vuođđodoarjaga. Doarjjaortnet ii guoskka ealáhus- ja profešuvdnaorganisašuvnnaid dahje ásahusaid.
- Báikkálašseavvimiellahtuin fertejit unnimus 1/5 oasis leat ássančujuhus Romssas.
- Báikkálašsearvi mas leat miellahtut olggobealde Romssa, ožžot vuođđodoarjaga oppalaš miellahtulogus ja juhkkon galle miellahtu ásset Romssas.
Juolludaneavttut
- Báikkálašsearvvis galgá leat demokráhtalaš stivrejupmi ja unnimusat vihtta miellahtu maid stivra jođiha, ja maid jahkečoahkkin vállje jahkásaččat. Jahkečoahkkimis galgá jahkedieđáhus ja rehketdoallu, ja maiddái bušeahtta ja doaibmaplána gieđahallot.
- Báikkálašsearvvis galget leat njuolggadusat dohkkeduvvon jahkečoahkkimis
- Báikkálašsearvi galgá doallat jahkečoahkkima jahkásaččat. Jahkečoahkkimis galgá jahkedieđáhus ja rehketdoallu, ja maiddái bušeahtta ja doaibmaplána gieđahallot.
- Báikkálašsearvvis galget leat guokte jahkečoahkkimis válljejuvvot rehketdoallodárkkisteaddji.
- Gaskaboddosašservviin ii leat vuoigatvuohta oažžut doarjaga.
Ohcamušas ferte leat
- Dán jagáš jahkečoahkkima beavdegirjji
- Jahkečoahkkin dohkkehuvvon jahkedieđáhus masa stivra lea vuolláičállán.
- Mannan jagi dohkkehuvvon rehketdoallu revisoramuitalusain. Rehketdoalus ferte boahtit ovdán divatmávssu sisaboahtu.
- Dán jagi mearriduvvon bušeahta ja doaibmaplána.
- Báikkálaš miellahttolohku revisora duođaštusain galle miellahtu geain lea ássančujuhus Romssa guovllus. Lea joavkomieđiheapmi 31.12 ovddit jagi mii leat vuođđun juogadeapmái. Miellahtolohku galgá oktiivástidit rehketdoalu divatmávssu poasttain.
- Dohkkehuvvon njuolggadusat.
Ohcamušain main váilot dárbbašlaš dieđut, sáhttet hilgojuvvot.
Ohcanáigemearri
Áigemearri sáddet vuođđomateriála rehkenastit vuođđodoarjjadáiga lea 01.08
Elektrovnnalaš ohcanskovvi boahtá.
Máksin ja raporteren
Vuođđodoarjja juohkit sáddejuvvon vuođđomateriála ja čuovvovaš njuolggadusaid vuođul:
Báikkálašsearvi mas lea 5 - 25 miellahtu: ru. 3 000,- + ru. 3 000,- = ru. 6 000,-
Báikkálašsearvi mas lea 26 - 50 miellahtu: ru. 3 000,- + ru 4 000,- = ru 7 000,-
Báikkálašsearvi mas lea 51 - 75 miellahtu: ru. 3 000,- + ru. 5 000,- = ru. 8 000,-
Báikkálašsearvi mas lea eanet go 75 miellahtu: ru. 3 000,- + ru. 6 000,- = ru. 9 000,-
Fylkkasuohkan máksá vuođđodoarjaga fakturá vuođul. Searvvit mat ožžot doarjaga, galget sáddet fakturá fylkkasuohkanii maŋimustá 01.12. doarjjajagi, ja muđui nu mo doarjjareivves lea čilgejuvvon.
Fakturát mat bohtet menddo maŋŋit eai máksojuvvo.
Loga mo sáddet fakturá dás
Sádde rehketdoalu ja raporta Romssa fylkkasuohkanii go doaimmat leat čađahuvvon. Dáid sáddet deike postmottak@tromsfylke.no. Váilevaš raporteren sáhttá mielddisbuktit ahte geassit doarjaga ruovttoluotta ja gáibidat máksit ruovttoluotta.