Ohcanáigemearri 

Ohcanáigemearri lea juohke jagi skábmamánu 1. beaivvi.

Elektrovnnalaš ohcanskovvi lea gaskaboddosaččat gitta, ja rahppo fas golggotmánu 1. b. 2024.

Raporteren 

Áigemearri buktit ovddit jagi jahkeraportta KVS:ii lea njukčamánu 15.b.

Loga mo sáddet jahkeraportta dás 

Raportačálus rahpása guovvamánu 1. b..

Olahusjoavku 

Kultuvrralaš vázzinsoappi olahusjoavku leat ássit geat leat 67 jagi ja boarrásat.

Doarjjaortnega mihttomearri 

• Almmolaš dáidaga ja kultuvrra gaskkusteapmi mas lea alla kvalitehta.
• Lágidemiid ja doaimmaid fálaldat buot dáidda- ja kulturovdanbuktimiin.
• Heivehit kulturfálaldagaid arenain gos olahusjoavku lea beaivválaš eallimis.
• Lasihit ovttasbarggu gaskal kultursuorggi ja fuolahansuorggi vai ovddiduvvojit buorit dáidda- ja kulturprošeavttat báikkálaččat iešguđetlágan šáŋŋeriin ja ovdanbuktinvugiin.

Doarjjaortnega njuolggadusat 

• Ruđat galget vuosttažettiin geavahuvvot profešunála dáidda- ja kulturgaskkusteapmái mas lea alla kvalitehta. Ođđaháhkan ja fálaldagaid ovddideapmi galgá vuoruhuvvot. 
• Ávžžuhit ovttasbargat gaskal dáiddáriid, dáidda- ja kulturásahusaid ja eará kulturaktevrraid báikkálaččat ja regiovnnalaččat. 
• Doarjja ii galgga boahtit gielddalaš doarjagiid sadjái dálá dahje plánejuvvon áŋgiruššamiidda dahje doaibmabijuide maidda juo lea sihkkarastojuvvon ruhtadeapmi.
• Doaimmat galget boahtit buot boarrásiidda buorrin. Galgá láhččojuvvot dasa ahte ruovttoássit besset oassálastit. Fálaldat galgá vuosttažettiin leat institušuvnnain dahje eará deaivvadanbáikkiin gosa boarrásat čoahkkanit. 
• Ii addojuvvo doarjja investeremiidda, rusttegiidda, hálddahussii, borramušgálvvuide iige gealbudeapmái. 
• Ii galgga leat bileahttavuovdin dain doaluin mat leat ruhtaduvvon Den kulturelle spaserstokken doarjagiiguin.

Kultuvrralaš vázzinsoabbi organiseren 

Fylkkasuohkan 

Romssa fylkkasuohkan juolluda ruđaid dán doarjjaortnegii. Plána- ja kulturetáhta hálddaša ortnega, ja veahkeha gielddaid čuovvolemiin, ja prográmmafálaldagain gielddaide mat dan háliidit.

Gielddat 

Ávžžuhuvvo ahte ortnegii lea sierra gieldda gulahallanolmmoš. Gielddastivra ávžžuhuvvo jahkásaččat doallat čoahkkima gaskal dearvvašvuođa- ja kultursuorggi áirasiid. Juohke ásahusas masa dát ortnet guoská, berre leat bistevaš kulturoktavuohta. Dat guoská sihke ássanásahusaide, beaiveguovddážiidda ja sullasaččaide. Álbmoga kultuvrralaš girjáivuohta galgá leat vuođđun prográmmafálaldahkii. Sámegiella ja kveanagiella galget fuolahuvvot. 

Gáibádusat mat gusket doarjaga geavaheapmái 

Gáibádusat mat gusket doarjaga hálddašeapmái čilgejuvvojit jahkásaš juolludusreivves gielddaide. 

Digitála raporterenskovis mii almmuhuvvo min neahttasiidduin galgá raporterejuvvot daid doaimmaid birra mat čatnasit juolluduvvon ruđaid geavaheapmái. Suohkaniidda mat ožžot kr. 100.000,- dahje eanet gáibiduvvo ahte juolluduvvon ruđain dinejit reanttut ulbmilii, ja ahte rehketdoallodárkkisteaddji duođašta rehketdoalu oktan raporttain. Ruđat mat eai leat geavahuvvon jagi loahpas galget máksojuvvot ruovttoluotta jus eará ii leat šihtton. Dábálaš ohcanskoviin sáhttá ohcat sirdit geavatkeahtes ruđaid maŋit jahkái. Ruđat Kultuvrralaš vázzinsoabbái galget merkejuvvot ortnegii.