Oza doarjaga
Dát 32 festivála ožžot doarjaga jahkái 2024.
Ulbmil
Doarjjaortnega ulbmilin lea ovddidit festiválaid fágalaš ja kultuvrralaš deaivvadanbáikin, ja nannet festivála ámmátlaš arenan gos gaskkustuvvo ja vásihuvvo alla dásis dáidda ja kultuvra.
Geat sáhttet ohcat
Ohcciin sáhttet leat iešguđetlágan organisašuvdnahámit, muhto ferte leat sierra organisašuvdnanummar.
Doaibmabijuin dahje prošeavttain mat ožžot doarjaga dán ortnegis eai sáhte oažžut dietnasa.
Ohcanáigemearri
Doarjjaortnegis lea ohcanáigemearri juohke jagi juovlamánu 1. b..
Maid sáhttit doarjut
- Festiválat main prográmmasisdoallu vástida doarjjaortnega ulbmila, ja mat ovdanbuktet dáidaga ja kulturovdanbuktimiid álbmogii ovtta dahje máŋgga dáiddasuorggis: ovdamearkka dihte musihkka, lávdedáidda, filbma, girjjálašvuohta, visuála dáidda ja dáiddaduodji
- Festiválat main prográmma sisttisdoallá báikkálaš/regionála buvttademiid/doaimmaheddjiid
- Festiválat mat gaskkustit dáidaga ja kultuvrra mánáide ja nuoraide
- Festiválat mat ovddidit girjáivuođa ja searvadahttima iežaset barggus, ja geahččalit nu bures go vejolaš leat olámuttus buohkaide. Festivála ferte dohkkehit dohkkehuvvon mieđušteaddjiduođaštusa iežas lágidemiin.
- Festivála galgá bistit unnimusat guokte beaivvi
- Festiválas galgá leat regionála doaibmaguovlu
- Lágideaddjigieldda ferte addit ruhtadoarjaga festiválii
- Festivála galgá nu guhkás go vejolaš geahččalit ollašuhttit ON Ceavzilvuođaulbmiliid.
- Festivála galgá nu guhkás go vejolaš geahččalit gávdnat ruoná čovdosiid buot dásiin buvttadeamis, fievrrideamis ja lágideamis muđui.
- Festivála galgá leat áigeráddjejuvvon ja čađahuvvot ohcamuša mielde ja daid eavttuid ja áigemeriid mielde mat juolludusreivves bohtet ovdan.
- Sáhttá ohcat ovtta dahje golmma jagi doarjaga. Ohccit geat ožžot golmma jahkásaš doarjaga fertejit dattetge sáddet jahkásaš raportta masa vuolggahit doarjaga, ja jahkásaš ohcama mas leat ođasmahttojuvvon prográmmadieđut ja bušeahtta čuovvovaš jahkái.
Álo váldojuvvojit vuhtii gustojeaddji politihkalaš vuoruheamit kultursuorggis, ja ohcamat árvvoštallojuvvojit daid ektui meannudettiin.
Gáibádusat ohcamii
- Galgá geavahit elektrovnnalaš ohcanskovi. Ohcamat mat bohtet olggobealde, eai meannuduvvo.
- Ohcci namma, čujuhus ja organisašuvdnanummir galgá almmuhuvvot
- Dieđut gulahallanolbmo birra, e-poastačujuhus ja telefonnummir
- Dieđut doaimma birra; ulbmil/áigumuš ja organisašuvdnahápmi
- Ulbmiljoavkkuid ja doaibmaguovlluid čilgehus
- Prográmmadieđut / prošeaktačilgehus doaibmabijuid birra mat galget čađahuvvot
- Festivála čađaheami dáhton
- Vejolaš ovttasbargoguoimmit
- Ohcansupmi fylkkasuohkanii ja lágideaddjigielda
- Dárkilis bušeahtta ja ruhtadanplána
Bušeahtta, ruhtadanplána ja vejolaš prográmma/prošeaktačilgehus sáhttet/galget biddjot mielddusin ohcamuššii.
Váidinvuoigatvuohta
Lea váidinvuoigatvuohta mearrádussii áššis doarjaga juogadeamis festiválaide hálddahuslága § 28 nuppi lađđasa mielde. Váidima galgá sáddet Romssa fylkkasuohkanii golmma vahku siste dan rájes mearrádus lea boahtán, gč. almmolašvuođalága §§ 29 ja 32. Váidin sáddejuvvo: postmottak@tromsfylke.no. Jus fylkkasuohkan doalaha mearrádusas maŋŋá go váidda lea boahtán, de sáddejuvvo váidda fylkkasuohkana váiddalávdegoddái. Váiddalávdegotti mearrádus lea loahpalaš.
Máksin
Doarjja máksojuvvo maŋŋil go rehket lea sáddejuvvon ja raportta ja rehketdoalu leat buktán ovdal mearriduvvon áigemeari, ja maiddái mat muđui bohtet ovdan doarjjareivves.
- Jus juolluduvvon ruđat eai hálddašuvvo sáddejuvvon ohcama ektui ja daid njuolggadusaid ektui mat leat biddjojuvvon, de sáhttá doarjja gessojuvvot ruovttoluotta ja máksojuvvon ruđat gáibiduvvot máksojuvvot ruovttoluotta.
Raporteren
Raporteren galgá dahkkot elektrovnnalaš raporterenskovi bokte, mii gávdno min ruovttusiidduin.
Doarjjaortnegii ii gáibiduvvo revišuvdna, muhto go rehketdoallu sáddejuvvo, de lea lágideaddjis ovddasvástádus ahte rehketdoallu lea riekta fievrriduvvon, ja ahte doarjja lea geavahuvvon daid rámmaid siskkobealde maidda doarjja lea juolluduvvon. Jus juolluduvvon ruđat eai hálddašuvvo sáddejuvvon ohcama ektui ja daid njuolggadusaid ektui mat leat biddjojuvvon, de sáhttá juolludus gessojuvvot ruovttoluotta ja máksojuvvon ruđat gáibiduvvot máksojuvvot ruovttoluotta.
Fápmuiboahtin
Njuolggadusat bohtet fápmui miessemánu 2024 rájes
Politihkalaš mearrádusat
- Ođastuvvon njuolggadusat mearriduvvui kultuvra ja dearvvašvuohta váldolávdegottis 13.05.24 áššis 24/24
- 2024 festiváladoarjaga juohkin mearriduvvui kultuvra ja dearvvašvuohta váldolávdegottis 20.02.24 áššis 1/24
Oktavuođa