Duogáš
Davvi-Norgga girjjálašvuođastrategiija deattuha ahte galgá buvttaduvvot eanet girjjálašvuohta mas lea buorre kvalitehta Davvi-Norggas. Áiggiáiggi girjjálašvuođas lea stuora mearkkašupmi dasa mo riikkaoassi čájeha iežas ja oaidná iežas. Buorre čáppagirjjálašvuohta buktá rámisvuođa, gullevašvuođa ja beroštumi riikkaoassái.
Davvi-Norgga fylkkagielddat leat ásahan guokte 100 000 ruvdnosaš bargostipeandda jahkásaččat, mat galget addit girječálliide geat orrot Davvi-Norggas ekonomalaš doarjaga čállit čáppagirjjálašvuođa.
Vuosttaš stipeanda galgá mannat čállái mas lea ollesolbmui ulbmiljoavkun, ja nubbi čálli galgá vuosttažettiin juolluduvvot čállái mas leat mánát ja nuorat ulbmiljoavkun. Lea vejolaš sáddet ovtta ohcama juohke ulbmiljovkui, muhto okta ja seamma olmmoš ii sáhte oažžut guokte stipeandda.
Nordlándda, Romssa ja Finnmárkku fylkkagirjerájut hálddašit Davvi-Norgga girjjálašvuođastrategiija. Girjjálašvuođastrategiija lea oassi Davvi-Norgga kulturšiehtadusas.
Duogášdokumeanttat
Eavttut bargostipeandda ohcamuššii
- Teaksta mii ráhkaduvvo galgá leat čáppagirjjálaš
- Girječálli galgá ássat Davvi-Norggas
- Girječálli galgá juogo leat Norgga kulturráđi oastán dahje lea miellahttu girječálliorganisašuvnnas
Ohcan
- Ohcamis galgá leat almmuhkeahtes teakstabihttá mii lea gitta 15 siiddu rádjai ja dieđut prošeavtta birra masa teakstabihttá gullá
- Ohcci ferte bidjat mielddusin CV:a mii lea relevánta ohcamii ja čilget movt stipeanda galgá geavahuvvot.
- Mielddusat sáddejuvvojit PDF:in
- Ohcanáigemearri lea njukčamánnu 2024 gaskamuttu
- Elektrovnnalaš ohcanskovvi galgá geavahuvvot
Jury
Jurys leat guokte áirasa Davvi-Norgga girjjálašvuođabirrasis ja okta áirras girjjálašvuođabirrasis geas ii leat gullevašvuohta Davvi-Norgii. Jury vállje stipeandaoažžuid. Go jury lea dahkan mearrádusa, de dieđihuvvo stipeandaoažžuide.
Juolludeapmi
Stipeandaoažžut almmuhuvvo dalle go stipeanddat geigejuvvojit.
Oktavuohta
Sunniva Knutsen
Finnmárkku fylkkagirjerájuhoavda
Sáddes e-poastta sunniva.knutsen@ffk.no
Telefovdna: 482 04 998