Ulbmil

Lávdedáiddáriid stipeanda galgá veahkehit addit dáiddáriidda vejolašvuođa ovddidit viidáseappot iežaset dáiddalaš máhtolašvuođa lávdedáiddasuorggis. Bargostipeanda galgá buoridit vejolašvuođa birget iežas dáiddárbargguin.

Stipeanda lea ru. 150 000.

Eavttut oažžut doarjaga:

• Dáiddár galgá ássat ja doaibmat Romssa fylkkas.
• Dáiddár galgá leat ámmátlaš dáiddár lávdedáidagis (teáhter, dánsut, performánce, jna.) ja dáiddalaš doaibma galgá leat váldodoaibman.
• Stipeanda sáhttá adnot konkrehta dáiddalaš prošektii dahje fágalaš čiekŋudeapmái.
• Dáiddárat geat leat váldimin oahpu eai sáhte ohcat bargostipeandda. Dát guoská maiddái ii-dáiddaoahpuide.

Gáibádusat ohcamii:

• Ohccit fertejit bidjat mielddusin ođasmahtton CV mas leat dieđut dáiddalaš barggu birra.
• Vuođustus ohcamii
• Iežas barggu ovdanbuktin (portfolio PDF-fiila oktan govain, jienain ja/dahje videoin).
• Galgá geavahuvvot elektrovnnalaš ohcanskovvi (ii gusto 2024)

Ohcanáigemearri

Ohcanáigemearri lea golggotmánu 1. beaivve.

Mo ohcat?

Ohcan 2024 stipeanddas galgá sáddejuvvot eDialog bokte. Ohcamis galgá, lassin eavttuide ja gáibádusaide, leat mielde:

1. Oanehaččat čilget iežat dáiddalaš bargguid ja doaimmaid birra
2. Oanehaččat čilgejuvvo mot bargostipeanda galgá geavahuvvot.

eDialoga merket "Ohcan lávdedáiddáriid bargostipeandda".

Fagjury ja juolludeapmi

Kultur- ja dearvvašvuođa váldolávdegoddi juohká bargostipeandda fágajury evttohusa vuođul. Fágajury:s leat áirasat geain lea viiddis lávdedáiddafágalaš gelbbolašvuohta.

Stipeanda juhkkojuvvo fylkkadikkis juovlamánus.

Raporteren

Stipeandaoažžu galgá buktit čálalaš raportta guđe mearkkašumiid bargostipeanddas leamašan dáiddalaš doaimma ovddideapmái guokte mánu maŋŋá stipeandaáigodaga.

Politihkalaš mearrádusat

Reviderejuvvon njuolggadusat mearriduvvojedje kultuvrra ja dearvvašvuođa váldolávdegotti 13.05.24 áššis 25/24.