Horisont 2020 lea máilmmi stuorámus dutkan- ja innovašuvdnaprográmma mas lea 80 miljárdda euro

Horisont Eurohpá lea EU ovccát dutkan ja innovašuvdna rámmaprográmma mas lea evttohuvvon 95,5 miljárdda euro sturrosaš buohkanas bušeahtta. Dat lea 20,5 miljárdda euro lassáneapmi Horisont jagi 2020 bušeahta ektui mii leamašan 75 miljárdda euro stuoru.

Norga juolluda badjelaš 25 miljárdda dáža kruvnno prográmmii čieža jagi badjel.

Horisont Eurohpá ulbmil lea váikkuhit rievttalaš, jábálaš ja guoddevaš boahtte áiggi olbmuide ja birrasii, eurohpalaš árvvuid vuođul.

Horisont Eurohpás leat golbma «stoalppu», dahje váldocakki, mat leat rámmaprográmma vuođđun:

1. Erenoamáš buorre  dutkandássi

• Áŋgiruššamat ovdavázziide, sáhkkiivuođadoaibmi dutkan Eurohpá dutkanráđi (ERC) olis, sirdáivuođagaskaoamit Marie Skłodowska-Curie Actions ja dutkaninfrastruktuvrra olis. 

2. Máilmmiviidosaš hástalusat ja gilvonávccalaš ealáhuseallin

• Horisont 2020 áigu ásahit guhtta govda ealáhusgihpu mat jotket áŋgiruššama servodathástalusaiguin ja industriijalaš jođihemiin (vejolašvuođaid addi teknologiijaiguin). Temáhtalaš dutkan ja innovašuvdna ruhtaduvvojit ovttasbargoprošeavttain. Eanet go bealli Horisont Eurohpá bušeahtas lea evttohuvvon geavahuvvot nuppi stolpui. Dán stoalppus ruhtaduvvo maiddái áŋgiruššan bargamušaiguin ja searvevuođain. 

3. Rabas innovašuvdna

• Dehálaš ođđaáŋgiruššan lea Eurohpá innovašuvdnasuorggi (EIC) ásaheapmi guvttiin váldováikkuhangaskaomiin:

i. Pathfinder doarjaga várás ovdavázzi ja ođđahutki teknologiijaid gávppálaš vejolašvuođain.

ii. Accelerator doarjaga ja dáhkádusa várás smávva ja gaskageardán fitnodagaide (SM:aide) márkanintrodukšuvnna ja bajás skalerema dihtii.

Pathfinder lea váldoáššis vuođđuduvvon áŋgiruššamiidda boahtteáigeteknologiijaide (FET) Horisont 2020:s, ja Accelerator fas lea vuođđuduvvon SMB-instrumentii ja Fast Track to Innovation:i. Goalmmát stoalppu vuolde ásahuvvo maiddái áŋgiruššan huksen dihtii buoret ekovuogádagaid innovašuvnna várás, ja ruđat várrejuvvojit viidáseappot fievrridan dihtii Eurohpá instituhta innovašuvnna ja teknologiija (EIT) várás.

Horisont Eurohpá lea ásahan vihtta váldoáŋgiruššansuorggi (bargamušsuorggi) mat galget leat veahkkin čađaheamen válljejuvvon áŋgiruššamiid Horisont Eurohpá-prográmmas.

Loga eanet Horisont Eurohpá das

Lea go dus dutkan- dahje innovašuvdnaprošeaktajurdda maid Horisont Eurohpá sáhtášii ruhtadit. Dahje háliidat go searvat EU-prošektii? Go searvvat regionála EU-fierpmádahkii, de sáhtát gávdnat ovttasbargoguimmiid, digaštallat iežat jurdagiid ja ohcagoahtit doarjaga Horisont Eurohpá bokte.

EU-fierpmádaga rolla

Dutkanráđđi ja Innovasjon Norga ruhtada regionála ja temáhtalaš EU-fierpádaga galgá váikkuhit nannet nationála mobiliseren- ja doarjjabálvalusaid. Romssa ja Finnmárkku fylkkagielda lea álggahan ja áigu 3 jagi jođihit regionála EU-fierpmádaga mas lea namma Romsa ja Finnmárku Horisont.

Romsa ja Finnmárku Horisont EU-fierpmádat lea okta dáin regionála EU-fierpmádagain mii galgá ovddidit oassálastima ja gelbbolašvuođa Romssa ja Finnmárkku Horisont Eurohpá birra.

Romsa ja Finnmárku Horisont leat dát áirasat mielde; RFFG, UiT Norgga árktalaš universitehta, Akvaplan-niva As, Norce, Nofima AS, Biontech North ja Davvi-Norgga Brussel Eurohpákantuvra.

Innovašuvdna Norga ja dutkanráđđi leat dehálaččat fierpmádaga barggu veahkeheaddjit ja ovttasbargoguoimmit.

Horistont Romsa ja Finnmárku veahkeha

1. Diehtojuohkin – dovddiit vejolašvuođain mat leat Horisont Eurohpá siskkobealde.

2. Čohkket oassádalliid rastá surggiid joavkkuide mat áiggi mielde sáhttet šaddat oassin europálaš 

3. Ohcandoaibma, prošeaktabádji ja oktagaslaš čoahkkimat

4. Ovttasbargoguoimmi ohcat

Fina Horistont Romssa ja Finnmárkku– EU- fierpmádaga Facebook-siiddus. Searvva áinnas fierpmádahkii.

Nannen dihtii Norgga oassálastima Horisont Eurohpás lea Dutkanráđđi ásahan ekonomalaš doarjjaortnegiid posišoneremii ja prošeaktaásaheapmái:

PES Horisont Eurohpá – Doarjja prošeaktaásaheapmái ja posišoneremii

PES-ortnet galgá váikkuhit vai ohcamušat main lea norgalaččat oassálastet Horisont Eurohpás lea alla kvaliteahtta vai norgga potensiála boahtá ovdan nu bures go vejolaččat. Dát almmuhus galgá váikkuhit vai norgga ohcamušat Horisont Eurohpá lassánit.

Ulbmiljoavku: Almmolaš suorgi, ealáhusdoaibma, Dutkanorganisašuvdna

Geat sáhttet ohcat: Norgga oassádallit geain lea formálalaš rolla ovtta EU- prošeaktaevttohusain, sáhttet ohcat doarjaga. Norgga dohkkehuvvon dutkanorganisašuvnnat, fitnodagat, almmolaš suorgi, eaktodáhtolaš suorgi ja ovttastusat sáhttet ohcat.

Ohcanáigemearri: jotkkolaš

Fertet ohcat doarjaga nu árrat go vejolaččat, áinnas dalle juo go prošeaktaevttohusa leat hápmegoahtán, ja maŋemuččat njeallje vahku ovdal EU-áigemeari. Jus leat prošeaktajođiheaddji ovtta ovttasbargoprošeavttas de ávžžuhat ohcat doarjaga 12 vahku ovdal EU-áigemeari. Lea dehálaš vai sihkkarastit doarvái áiggi fágalaš bagadallamii relevánta National Contact Point (NCP) ja EU- ráđđeaddiin.

Almmuhus lea sihke dáro- ja eaŋgalsgillii. Dárogiela almmuhusteaksta lea juridihkalaččat čanastus.

Doarjjarádjá: eanemusat ru. 1 000 000 jáhkkimis olámuttos doarjja: Ru 120 000 000. 2021 doarjja galgá juhkkojuvvot rámmajuolludeami ohcamušaide ja eaŋkilohcamušaide.

Prošeaktabistu: 1-12 mánu

Doarjja formálalaš oassálastimii Horisont Eurohpá bargoguoibmevuhtii ohcamušaide

Ulbmil almmuhusain lea nannet norgga ealáhusdoaibma ja dutkanbirrasiid oassálastima Horisont Eurohpá bargoguoibmevuođadoaimmain.

Mearkkašahtti oassi Horisont Eurohpá-bušeahtas almmuhuvvo iešguđet guoibmevuođa bokte. Formálalaš oassálastin guoibmevuođain addá norgga oassádalliide olahit doarjagiid mat almmuhuvvojit guoibmevuođa bokte ja nanne vejolašvuođa váikkuhit mii almmuhuvvo. Dutkanráđđi háliida nannet norgga oassálastima, ja ávkkástallama, Horisont Eurohpá guoibmevuođa, erenomážit šiehtadanvuođđuduvvon ja institušuneala guoibmevuođa.

Ohcanáigemearri: jotkkolaš

Ulbmiljoavku: Almmolaš suorgi, ealáhusdoaibma, Dutkanorganisašuvdna

Geat sáhttet ohcat: Norgga dohkkehuvvon dutkanorganisašuvnnat, fitnodagat, almmolaš suorgi, eaktodáhtolaš suorgi ja ovttastusat. Geahča dohkálaš dutkanorganisašuvnnaid ja almmolaš suorggi definišuvdna.

Doarjjarádjá: ru. 100 000-500 000

Olámuttos doarjja: Ru 5 000 000

Bistu: 1-12 mánu