Erasmus+ lea EU-ovttasbargoprográmma oahpu, oahpahusa, nuoraid ja valáštallama várás. Nationála dásis Norggas lea Direktoráhta oahpu internationaliserema várás (Diku) (Direktoratet for internasjonalisering av utdanning (Diku)) mii hálddaša Erasmus+.
Máilmmi stuorámus oahppoprográmman doarju Erasmus+ olles oahppomannolaga sirdáivuođa- ja ovttasbargoprošeavttaid: namalassii mánáidgárddi, vuođđoskuvlla, joatkkaoahpahusa, alit fidnofágalaš oahpu, alit oahpu, ja rávesolbmuidoahpahusa.
Prográmma lea máilmmi stuorámus oahppoprográmma, ja láhčá dilálašvuođaid hárjehallanorrumii dahje oassálastimii ovttasbargoprošeavttaid olis Eurohpás.
Muhtun dain deháleamos áŋgiruššansurggiin lea kvalitehta oahpahusas ja oahpaheamis, innovašuvdna ja oahpu ja bargoeallima gaskasaš oktavuohta.
Mánáidgárddit, skuvllat, oahpahuskantuvrrat ja oahppofitnodagat sáhttet ohcat ohppiid, oahpaheddjiid, fidnoohppiid ja oahpahusovddasvástideddjiid namas.
Sirdáivuođaprošeavttat:
- Fidnofágaohppiid hárjehallanorrun Eurohpás fidnofágalaš čiekŋudeami, YFF, bokte
- Fidnooahppit sáhttet čađahit oasi iežaset oahppanáiggis Eurohpás
- Guosseorrun skuvllas/fitnodagas fidnofágaoahpaheddjiid várás ja fitnodagaid oahpahusovddasteddjiid várás
- Oahpaheddjiid kursavázzin dahje guosseorrun
Searvevuođaprošeavttat:
- Skuvllaid/organisašuvnnaid gaskasaš ovttasbargu, man ulbmil lea ovddidit, lonohallat ja geahččaladdat fágalaš ovttasbarggu
Erasmus+ oassálastimis leat máŋga ovddu, earret eará sáhtát:
- oažžut bargohárjehallama riikkaidgaskasaš birrasis
- oažžut viiddiduvvon fágamáhtu
- oahpásmuvvat ođđa bargovugiide ja reaidduide
- oahpásmuvvat eará kultuvrraiguin
- oažžut viiddiduvvon giellavásáhusa