Ortnega bokte addo doarjja prošeavttaide mat dahket čuovvovaččat:
Dorjjot regionála eanadoallohuksejuvvon ealáhusovdáneami. Doarjagiin lea oalle govda doaibmaviidodat. Galget váikkuhit árbevirolaš eanadoalu ovdáneapmái ja ođasmahttimii ja váikkuhit ovdáneami eará eanadoallohuksejuvvon ealáhusaid ovdánahttin- ja mobiliserendoaimmaid.
Geat sáhttet ohcat?
- Organisašuvnnat
- Gielddat
- Dutkan- ja ovdánahttininstitušuvnnat
- Ruhtadeapmi sáhttá addot fitnodagaide, jus doaimmas lea ulbmil ovddidit oktasašburiid main lea čanastus ealáhusovdáneapmái, dáinna eavttuin ahte ulbmil ii leat lassi dienas ovttaskasfitnodahkii.
Ii addo doarjja investeremiidda dahje dábálaš doibmii.
Mo ohcat doarjaga?
Ohcamuša sáddet fylkkagieldda digitála hálddašanportála bokte, regionalforvaltning.no
Ruhtadeapmi juolluduvvo doarjjan.
Njuolggadusat
Loga ortnega njuolggadusaid dás. (PDF, 162 kB)
Gáibádusat ohcamuššii
- Ohcamušain galgá leat fakkastus Romssa ja Finnmárkku eanandoalu 2019-2022 Regionála ealáhusprográmmii (RNP) gullevaš 2020 doaibmaprográmmain. Vuoruhuvvon áŋgiruššanguovllut dás leat: Beaggin, Rekrutteren, Gelbbolašvuohta, Agronomii, Mielkebuvttadeapmi, Biergobuvttadeapmi, Buđehat, ruotnasat ja muorjjit, Ođasmahttit doaibmavisttiid, Ekologalaš eanadoallu, Meahccevuođđuduvvon árvohuksen, borramuša muohkadit, Mátkeealáhus, ja Inn på tunet ja Ut på vidda.
- Doarjja mieđihuvvo dohkkehuvvon golloluoitu plánejuvvon čađahuvvon doaimmaid vuođul. Doarjja sáhttá addojuvvot gitta 50 proseantta rádjai goluin, ráddjejuvvon bajás guvlui 75 prosentii dohkkehuvvon golloluoittus earenoamáš dáhpáhusain.
- Prošeavttain galgá leat fakkastus Romssa ja Finnmárkku fylkkagieldda regionála plánaide ja strategiijaide. Geahča RFFG gustovaš plánaid ja strategiijaid dás.