Gii sáhttá ohcat valáštallanstipeandda?
Stipeanda addojuvvo nuorat ásahandássi valáštallái geain lea dakkár dássi ahte sii fertejit fárret eret fylkkas/riikkaoasis gilvvohallan dihtii.
Valáštalli ferte ovddastit muhtun falástallansearvvi dahje báhččiidsearvvi fylkkas. Valáštalli galgá sáhttit čujuhit regionála ja/dahje našunála buoremus bohtosiidda iežas valáštallamis.
Njuolggadusat
Valáštallanstipeanda addojuvvo čuovvovaš njuolggadusaid vuođul:
- Valáštallanstipeanda addojuvvo oktii jahkái ovttaskas valáštalliide ja joavkkuide.
- Evttohas galgá leat gaskal 16-25 jagi gilvvohallanjagis dan guoskevaš valáštallamis, ja galgá leat miellahttu soames valáštallansearvvis/čuoiganjoavkkus mii lea Romssa valáštallanbiirres dahje báhčinjoavkkus Romssas.
- Valáštalli sáhttá dušše oktii oažžut stipeandda.
Buot Romssa valáštallanbiirre ja Romssa báhččiidsearvvi searvvit/lihtut sáhttet iežaset miellahtuid ovddas ohcat.
Jahkásaččat várrejuvvo 90 000 ruvnnu dán ulbmilii. Juohke stipeanda lea unnimusat 15 000 ruvnno.
Áššejohtu
- Ohcan sáddejuvvo fylkkasuohkanii elektrovnnalaš ohcanskoviin mearriduvvon áigemearrái: golggotmánu 28. b..
- Fylkkasuohkan sádde dasto listtu sierrabiirii/ báhččiidsearvái vai sáhttá vuoruhit sáddejuvvon evttohasaid. Vuoruhanáigemearri: Skábmamánu 15. b.
- Fylkkaráđđi dahká loahpalaš mearrádusa valáštallanstipeandda juohkimis juohke jagi.
- Fylkkasuohkan váldá oktavuođa válljejuvvon kandidáhtaiguin.
- Falástallanstipeanda juhkkojuvvo fylkkadikkis juovlamánus