Fylkkakulturbálkkašupmi

Mii juohkit jahkásaččat fylkkakulturbálkkašumi. Fylkkaráđđi háliida bálkkašumiin gudnejahttit ovtta aktevrra mii lea erenoamážit áŋgiruššan Romssa dáidda- ja kultureallima.

Almmuhuvvon 28.11.2023 13.28
Maŋemusat rievdaduvvon 15.10.2024 08.55

Čilgehus

Romssa fylkkasuohkan geige fylkkakulturbálkkašumi juohke jagi.  Fylkkakulturbálkkašupmi lea kr. 25 000.

Ulbmil

Romssa fylkkasuohkana kulturbálkkašumi ulbmil lea gudnejahttit ja dovddastit bálkkašumi oažžu, ja doarjut hutkkálaš dáiddalaš ja kultuvrralaš doaimmaid Romssa fylkkas.

Eavttut

  • Fylkkakulturbálkkašupmi sáhttá addojuvvot hutkkálaš dáiddáriidda, dahje earáide geat dáiddalaš dahje kultuvrralaš doaimma bokte leat earenoamážit áŋgiruššan Romssa fylkka kultureallimii.
  • Fylkkakulturbálkkašupmi sáhttá addojuvvot ovttaskas olbmui, ásahussii ja/dahje organisašuvdnii.
  • Vuostáiváldi galgá ássat Romssas, dahje erenoamážit gullat fylkii iežas dáiddalaš dahje kultuvrralaš doaimma bokte.
  • Gielddat, eaktodáhtolaš organisašuvnnat, kulturásahusat ja priváhta olbmot sáhttet evttohit kandidáhtaid kulturbálkkašupmái.
  • Evttohasat galget ovddiduvvot elektrovnnalaš skoviin mas lea liŋka fylkkasuohkana ruovttusiidduin (ii gusto 2024). 

Mo sáddet evttohasa kandidáhtaide?

Evttohusat 2024 fylkkakulturbálkkašumi kandidáhtaide sáddejuvvojit eDialogan. Evttohusas galgá čilgejuvvot manne kandidáhta ovddiduvvo fylkkakulturbálkkašupmái. 

Mana e-dialogii

Áššejohtu

  • Áigemearri sáddet evttohasaid lea golggotmánu 1. b..
  • Kultur- ja dearvvašvuođa váldolávdegoddi mearrida fylkkagieldadirektevrra evttohusa vuođul.
  • Fylkkakulturbálkkašumi almmuheapmi ja geigen dáhpáhuvvá juovlamánu fylkkadikkis. 

Njuolggadusat gustojit miessemánu 2024 rájes. Elektrovnnalaš evttohanskovvi lea ráhkadeamin ja almmuhuvvo dán siiddus go dat lea gárvvis.

Politihkalaš mearrádusat

Kultur- ja dearvvašvuođa váldolávdegoddi mearridii ođastuvvon njuolggadusaid 13.05.24 ášši 27/24.