Ungdata lea báikkálaš mánáid- ja nuoraidiskkadeapmi mas skuvlaoahppit miehtá riikka vástidit gažaldagaide mo sis lea dilli, ja maid sii barget friddjaáiggis. Iskkadeapmi lea heivehuvvon gaskadási, nuoraidskuvlla ja joatkkaoahpahusa mánáide ja nuoraide. Ungdata bohtosat geavahuvvojit máhttovuođđun eastadeaddji nuoraidbarggus ja eará nuoraidbarggu ektui, ja maiddái politihka ovddideamis ja stivremis sihke báikkálaččat ja riikkadásis. Dasa lassin geavahuvvo Ungdata oahpahusas ja dutkamii.
Sii geat vástidit iskkadeapmái ožžot jearaldagaid váhnemiid, ustibiid, skuvlla, lagasbirrasa, astoáiggedoaimmaid, dearvvašvuođa ja loaktima birra. Nuoraidskuvllas ja joatkkaskuvllas leat maiddái gažaldagat gárrenávnnasgeavaheamis, seksualitehtas, riskagieđahallamis ja veahkaválddálašvuođas. Ungdata gažaldagat gokčet mánáid ja nuoraid ollislaš eallima.
Gielddain ja fylkkasuohkanin lea ovddasvástádus geavatlaš čađaheamis ovttas skuvllaiguin. KORUS:s lea ovddasvástádus veahkehit sin regiovnna gielddaid ja fylkkasuohkaniid plánet ja čađahit guorahallama, ja bagadallat ja analyseret čuovvovaš bohtosiid dulkoma.
Ođđa Ungdata-iskkadeapmi galgá čađahuvvot giđđat 2024.