Man birra jearrat?

Mii jearrat dearvvašvuođa, loaktima, lagasbirrasa ja eallinkvalitehta birra ja dilálašvuođaid birra main lea mearkkašupmi Romssa fylkka álbmotdearvvašvuhtii. 

Ádjána sullii 20 minuvtta vástidit gažaldagaid, ja lea maiddái olámuttos sámegillii.

Mot iskkadeapmi dáhpáhuvvá?

Iskkadeapmi dahkko neahta bokte. Jus leat válljejuvvon searvat, de oaččut SMS:a mas lea persovnnalaš liŋkka ja e-poastta Romssa fylkkasuohkanis. Iskkadeami sáhttá vurket ja čađahit veahážii mielde.

Iskkadeami čađaha Verian Álbmotdearvvašvuođainstituhta ovddas. Iskkadeapmi sáddejuvvo gaskal njukčamánu 21.03.-11.04.

Lea dorvvolaš vástidit

Mii beroštat du sihkkarvuođas. Du vástádusat vurkejuvvojit sihkkarit, eará sajis go du namma, riegádannummir ja eará persovnnalaš dovdomearkkat.

Bohtosat almmuhuvvojit dušše joavkkuid várás, eaige goassege ovttaskas olbmo dásis. Dat mearkkaša ahte bohtosat eai almmuhuvvo dušše ovtta olbmo dahje dušše moadde olbmo vástádusaid vuođul, ja ovttaskas olbmuid ii sáhte identifiseret. Čohkkejuvvon dieđut geavahuvvojit maiddái dutkamii mii sáhttá addit eanet máhtu álbmoga dearvvašvuođa ja fáktoriid birra mat váikkuhit dearvvašvuhtii.

Skeaŋkagoarttaid vuorbádeapmi

Sii geat oassálastet jearahallamii leat mielde vuorbádeamis 3 skeaŋkakoartta main lea 1000,- árvu.