Norsk versjon
Elin Marakatt, Anne O. Bjørkli, Saia Stueng og Beate Heide
Elin Marakatt: privat. Saia Stueng: privat.Anne O. Bjørkli: Kirsti Westerbotn Beate Heide: Dánil Røkke
Ulbmil giellavahkkun lea buoridit sámegielaid stáhtusa, ja buoridit máhtu sámi giela ja kultuvrra birra olles servvodagas. Juste dán vahkus galget sámegielat gullot ja oidnot juohke sajis.
Elin Marakatt
Elin Marakatt čađaha guovttegielat máinnasbottu iežas govvagirjji Lilli, áddjá ja guovssahas/Lilli, bestefar og nordlyset birra Rivttaga, Siellavuona, Loabága ja Giehtavuona girjerádjosis.
Dát dáhpáhuvvá girjerádjosis Rivttagis golggotmánu 24.b. diibmu 12.00, Siellavuonas ja Loabágis golggotmánu 25.b. diibmu 10.00 ja 12.00 ja Giehtavuonas girjerádjosis golggotmánu 27.b. diibmu 10.00.
Presentašuvdna Elin Marakatt birra (PDF, 481 kB).
Anne Osvaldsdatter Bjørkli
Anne Osvaldsdatter Bjørkli gaskkusta iežas guovttegielat mánáidgirjji Loddi gieđas/Fuglen i handa girjerádjosis Báhccavuonas, Omasvuonas ja Skiervvás.
Dán dahká son Báhccavuona girjerádjosis golggotmánu 20.b. diibmu 13.00, Omasvuona girjerádjosis golggotmánu 24.b. diibmu 12.30 ja Skiervá girjerádjosis golggotmánu 25.b. diibmu 09.00.
Presentašuvdna Anne Osvaldsdatter Bjørkli birra (PDF, 437 kB).
Bente Heide
Beate Heide galleda Davvesiidda ja Gáŋgaviika gos son ovttas Ellinor Guttorma Utsi:n gaskkusta iežas guovttegielat mánáidgirjji. Girjji - Mun lean Kimme/Kim, det er meg fáddá lea sohkabealiidentitehta birra. Son maiddái galleda Álttá girjerádjosa ovttas jorgaleaddjin Liv Tone Boine:n. Doalut leat Álttá Sámi girjjálašvuođa prográmmas maid Sámedikki girjerájus lágida ovttas Álttá girjerádjosiin.
Heide lea Davvesiidda ja Gáŋgaviika girjerádjosis golggotmánu 24.b. diibmu 09.00 ja 11.00 ja Álttá girjerádjosis golggotmánu 25.b. diibmu 10.00 ja 11.00.
Presentašuvdna Bente Heide birra (PDF, 426 kB).
Saia Stueng
Kárášjoga ja Guovdageainnu girjerádjosa galleda girječálli Saia Stueng guhte muitala ja lohká iežas nuoraidgirjji davvisámegillii. Girjji almmuhuvvo fargga ja lea čuovvoleapmi girjái Hamburgerprinseassa mii almmuhuvvui 2018.
Doalut lágiduvvojit Kárášjoga girjerádjosis golggotmánu 24.b. diibmu 10.00 ja Guovdageainnu girjerádjosis golggotmánu 26.b. diibmu 11.00.
Presentašuvdna Saia Stueng birra (PDF, 286 kB).
Romssa ja Finnmárkku fylkkagirjerájus lágida gierdomátkki ovttasráđiid álbmotgirjerádjosiin guoskevaš gielddain.
Plakáhtat maid lea vejolaš viežžat